Helguvík er tímaskekkja

Forkastanleg vinnubrögð að þvinga mál fram með þessum hætti, byrja sífellt á vitlausum enda, þ.e. byggja grunn að heljarálveri og skoða pyngjuna svo, gefa síðan af því sem við ekki eigum. Þetta frumvarp um Heimild til samninga um álver í Helguvík er móðgun við heilbrigða skynsemi og ætti að fara beint í ruslið.

 1. gr. Heimild : Skuldbindingar af hálfu ríkisins... "Í slíkum samningi skal ákveðið hversu lengi ákvæði hans skuli gilda og skulu þau eigi gilda skemur en í 20 ár frá því að framleiðsla hefst í álverinu."

2. gr.  Verkefnið... er tímaskekkja !

3. gr. Undanþágur frá lögum : "Félagið skal undanþegið ákvæðum ... laga ..., um eignarrétt og afnotarétt fasteigna, sem setur það skilyrði að ⁴/5 hlutar hlutafjár hlutafélags sé eign íslenskra ríkisborgara og að meiri hluti atkvæða á hluthafafundum sé í höndum íslenskra ríkisborgara og að allir stjórnendur séu íslenskir ríkisborgarar.
    Félagið skal undanþegið ákvæðum laga ... um brunatryggingar..." o.s.frv.

4. gr. Skattlagning : endalaus sérákvæði... s.s.

...ekki skuli leggja á félagið umhverfisgjöld eða umhverfisskatta, sem tengjast losun lofttegundanna CO2 og SO2 eða annarri losun eða öðrum mengunarvöldum, nema slík gjöld eða skattar séu almennt lagðir á önnur fyrirtæki á Íslandi, þar með talin öll önnur álver, og mismuni ekki félaginu að öðru leyti,
... ekki skuli leggja skatta eða gjöld á raforkunotkun félagsins eða útblástur lofttegunda eða aðra losun úrgangsefna nema slík gjöld eða skattar séu jafnframt lögð með almennum hætti á öll önnur íslensk fyrirtæki, þar með talin álver, og mismuni ekki félaginu að öðru leyti,
... ekki skuli leggja á gjöld eða skatta í tengslum við raforkukaup og/eða raforkunotkun félagsins nema slík gjöld eða skattar séu almennt lagðir á önnur fyrirtæki á Íslandi, þar með talin öll önnur álver, og mismuni ekki félaginu að öðru leyti.

5. gr. "...má ákveða sérstakar reikningsskilareglur fyrir félagið... gefa út fjárhagsyfirlit í bandaríkjadölum... Slíkt fyrirkomulag má fela í sér undanþágur frá ákvæðum laga um tekjuskatt."

6. gr. Innflutningur : "...undanþegin tollum og vörugjöldum... heimilt að fella niður eða endurgreiða tolla og vörugjöld á vöru og þjónustu sem keypt er innan lands vegna byggingar álversins."

7. gr. Framsal

8. gr. Lögsaga og lausn deilumála.

9. gr. Gildistaka : Megi aldrei af þessu verða !

Segir djúpstæðan ágreining á milli stjórnarflokkanna

Lítið grænt við hana

Við erum nokkur sem munum ýmislegt miður skemmtilegt...

Kann illa við þegar verið er að leika sér með hugtök eins og endurnýjanlegar orkulindir sem og þegar verið er að flytja boðskap álfyrirtækja orðrétt eins og heilagan sannleika, að ég tali nú ekki um það að nota alheimsmengun sem afsökun fyrir óhefta mengun hjá okkur.

Það skyldi þó aldrei vera að Íslendingar ættu rétt á heilbrigðu umhverfi !

Til upplýsingar : Endurnýjanleg orkulind?

Framsókn vill í vinstrisæng

Aðferðir Landsvirkjunar mútulegar

Ekki til fyrirmyndar og spurning hvað Landsvirkjun haldi að hún sé.

Að kaupa sér ímynd með stuðningi við önnur ríkisfyrirtæki og helst sem flest menningarverkefni, er eitthvað sem ætti ekki að fara - frá ríkinu - í gegnum Landsvirkjun. Ríkið ætti sjálft að styðja betur við ríkisstofnanir og/eða menningarstarfsemi. Ekki hefur söfnum eða háskólum látið sér detta í hug að styrkja Landsvirkjun til þriggja ára...

Að kaupa sér skipulag og bjóða gull og græna skóga heitir á venjulegu máli mútur og miðar að því að þagga niður alla andstöðu við fyrirætlanir fyrirtækisins. Hagsmunaaðilinn veður uppi með ríkispeninga að vopni.

Fagna ber áliti umboðsmanns Alþingis sem tekur loks á alræmdum aðferðum forstjórans og hans manna.

Ráðuneyti sinnti ekki rannsóknarskyldu

Fyrirséð hjá freku fyrirtæki

... sem mér er ekki hlýtt til ... Gjörnýtingarstefnan í þágu stóriðju er móðgun við land vort.

Tap Landsvirkjunar 345 milljónir dala

Hugarfarsbreytingar er þörf. Bravó Lilja !

Það er list að lesa í samtíð sína og þetta er nákvæmlega sú breyting sem þörf er á hér á Íslandi einstakrar náttúru. Sjá vef sjóðsins.

Ríkisstyrktar náttúruskemmdir ættu að vera liðin tíð.

"Frá 1941 hafa verið grafnir u.þ.b 32.000 km af skurðum til að framræsa mýrar. Talið er að flatarmál þess votlendis sem hefur verið framræst sé yfir 4000 km2. Allt fram til ársins 1987 var framræsla styrkt af ríkinu." (Útdráttur úr Endurheimt votlendis 1996-2006 pdf-skjal).

Sömuleiðis er ástæða til að fara varlega í skógrækt, ríkisstyrkta eða ekki, svo mistakasagan endurtaki sig ekki.

Stóriðjuórar hafa síðan verið helsta ógnin við náttúru Íslands.

Sýnishorn úr Draumalandinu, sem bróðir Lilju, Sigurður Gísli framleiðir. Systkinunum er annt um náttúru Íslands.

Yfirlit um íslensk votlendi hefur komið út á tveimur bókum, önnur er frá 1975, ritstjóri Arnþór Garðarsson, og hin frá 1998: Íslensk votlendi. Verndun og nýting. Ritstjóri Jón S. Ólafsson. Háskólaútgáfan 1998. Hví ekki gefa út 3. votlendisbókina um ástand votlendis?

Mikilvægar votlendisgerðir á Íslandi. Auk mýrlendis nær skilgreining um votlendi yfir vötn og straumvötn, sjávarfitjar, leirur og fjörur auk grunnsævis niður að sex metra dýpi. Mýrar á Íslandi eru oft flokkaðar í fjóra flokka: hallamýrar, flóar, flæðimýrar og flár. Ár á Íslandi eru flokkaðar í þrjá höfuðflokka: dragár, lindár og jökulár. (Útdrættir úr Endurheimt votlendis 1996-2006 pdf-skjal)

> Ísland er aðili að ansi mörgum umhverfissamningum:

- Votlendissamningurinn (Ramsarsamningurinn)

Ramsarsvæðunum fer stöðugt fjölgandi í heiminum en þau íslensku eru enn aðeins þrjú: Mývatn/Laxá, Grunnafjörður og Þjórsárver. 

- Líffræðileg fjölbreytni (Ríósamningurinn)

- Vernd villtra dýra, plantna og vistgerða í Evrópu (Bernarsamningurinn)

- Montreal-bókunin um verndun ósónlagsins (Vínarsamningurinn)

- Loftmengun sem berst langar leiðir (Genfarsamningurinn)

- Rammasamningur SÞ um loftslagsbreytingar (Kyoto-bókun)

- Samningur um alþjóðaverslun með tegundir í útrýmingarhættu (CITES)

Umhverfisráðuneytið: Alþjóðlegir umhverfissamningar sem Ísland er aðili að

Umhverfisstofnun: Alþjóðlegir samningar um umhverfismál

> Loforð ríkisstjórnar, sem beðið er með óþreyju að verði efnt:

- Að Árósasamningurinn verði loks fullgiltur.

Hingað til hefur aðeins fyrsti hlutinn af þremur verið fullgiltur (2006): Lög um upplýsingarétt um umhverfismál (EES-reglur).

> Einhverra hluta vegna er Ísland ekki aðili að :

- Bonnsamningi um vernd fartegunda eða CMS. Eins og sést á þessu korti eru Evrópusambandið og öll Norðurlöndin nema Ísland meðal þeirra landa sem skrifað hafa undir.

- Farfuglasamningi eða AEWA. Eins og sést á þessu korti eru öll Norðurlöndin með nema Ísland og Grænland.

300 milljónir í Náttúruverndarsjóði Pálma Jónssonar

Áfram Kolbrún !

Íslendingar eru stundum undarlegir. Þeir tala fjálglega um sjálfstæði þegar Evrópusambandið ber á góma en þegar álfyrirtæki, sem eru 100% í eigu erlendra álrisa, vilja vaða hér uppi gleymist sjálfstæðið um leið og Íslendingar jarma í kór og biðja á hnjánum um meira, alþingi vor líka! Meiri hneisan.

Verkfræðistofu/orku/ál/mafían er sterk á Íslandi og er áróður þeirra þungur gegn alvöru umhverfisráðherrum. Þetta lagðist á Þórunni og nú sömuleiðis af miklum þunga á Kolbrúnu. Meirihluti þings undir forystu okkar versta umhverfisráðherra ever, Sivjar, vill af miklum ákafa leyfa álfyrirtækjum að menga meira hjá okkur með alheimsmengun sem afsökun. Meiri vitleysan.

Eru vinstri grænir ekki lengur umhverfissinnar?

Keik og stolt í sjötta sætinu

Já, já, liggjum marflöt fyrir álfyrirtækjum

Það er ekkert íslenskt við þetta og spurning hvort þessi þingmeirihluti endurspegli nokkuð annað en undirlægjuhátt. 36 þingmenn af 63 vilja spúandi og mengandi Ísland sem þó er frægt um alla heimsbyggðina fyrir náttúrufegurð og gott fólk ! Öðru vísi mér áður brá. Hvar er samviska þingmanna? Að þið skulið ekki skammast ykkar!

Siv var jú aldrei umhverfisráðherra öðru vísi en að nafninu til. Mikil eru sivjarspjöllin.

"Í fimmta lagi ... Rétt er að hafa í huga að framleiðsla áls þar sem jarðefnaeldsneyti er notað til orkugjafar veldur sex til átta sinnum meiri mengun en hlýst af framleiðslu áls þar sem hreinir endurnýjanlegir orkugjafar eru notaðir, eins og gert er hér á landi."

Já, já, fórnum íslenskri náttúru á altari alheimsmengunar með alíslenskri lygi, hvítri auðvitað. Hversu langt geta Íslendingar gengið með því að hagræða sannleikanum?

Jarðgufuvirkjanir eru ekki eins endurnýjanlegar og af er látið. Þær losa m.a. mikið magn brennisteinsvetnis (H2S) út í andrúmsloftið sem er ekki reiknað í mengunarkvótanum.

Síðan er það: "Vinnsla jarðhita hefur áhrif á jarðhitageyminn. Jafnframt getur losun affallsvatns frá virkjuninni með niðurrennsli í djúpar borholur (djúpförgun) haft áhrif á geyminn ef sú förgunarleið verður valin."

Ferskvatn? Jú, vatnsöflun fyrir vatnsveitu jarðgufuvirkjana, frárennsli frá borholum við borun og prófanir geta haft áhrif á vatn.

Grunnvatn? Jú, áhrif geta orðið á rekstrartíma jarðgufuvirkjana tengt losun affallsvatns.

Loftgæði? Jú, jarðgufuvirkjanir losa brennisteinsvetni (H2S) - og snefil af hinu og þessu - út í andrúmsloftið. Hvað er í útblæstri frá álveri? Jú, brennisteinstvíoxíð (SO2), loftkenndur flúor (HF), svifryk (PM10), vokvetniskolefni (B(a)P), koltvíoxíð (CO2).

"Þorsteinn benti á að við raforkuframleiðslu með jarðhita nýtist um 12% af orkunni sem kemur úr iðrum jarðar. Hin 88% fari út í umhverfið, fyrst og fremst í mynd varmaorku. "Mér finnst þetta ekki forsvaranleg nýting á auðlindinni," sagði Þorsteinn [Ingi Sigfússon, prófessor og forstjóri Nýsköpunarmiðstöðvar Íslands] ". Mbl. 18. okt. 2007.

"Jarðvarmaorkuver eru hagkvæmari en jarðgufuvirkjanir. Í þeim fyrrnefndu er framleitt bæði heitt vatn til upphitunar og raforka, sbr. orkuverin í Svartsengi og á Nesjavöllum, og þá er auðlindin líka best nýtt og á sem umhverfisvænastan hátt. Jarðgufuvirkjanir eins og þær í Kröflu, á Hellisheiði og Reykjanesi framleiða eingöngu raforku, nýta varmaorkuna mun verr og eru ekki eins vistvænar." Stefán Arnórsson, prófessor í jarðefnafræði og hefur starfað að jarðhitarannsóknum og -nýtingu í 40 ár. Fbl. 18. okt. 2007, bls. 32.

Jafnvel Íslendingar eiga rétt á heilbrigðu umhverfi !

10. mars 2009 á ruv.is : Óttast flúor í hrossum í nágrenni stóriðjunnar á Grundartanga

10. mars 2009 á ruv.is : Mosakemmdir raktar til jarðgufuvirkjunar Orkuveitunnar á Hellisheiði (kvikasilfur, bór og arsen)

14. ágúst 2008 í Morgunblaðinu : Áhrif loftmengunar á heilsuna

Vilja standa vörð um íslenska ákvæðið

Sameiginlegt mat vegna Helguvíkur

Sameiginlegt mat vegna Helguvíkur: álver, háspennulínur, virkjanir. Skammsýni pólitíkusa skal ekki endalaust leiða okkur í ógöngur... Íslendingar þurfa að vita að hverju þeir eru að ganga.

Álverin spretta eins og gorkúlur um land allt, ný eða sífellt stærri, og helst í næsta nágrenni við byggð. Tveimur nýjum álverum er þröngvað í gegn sem undarleg tímaskekkja og ógnun við mannlíf og umhverfi.

Ætla mætti að ekki verði gengið fram hjá skuldbindingum Íslands á sviði umhverfisverndar, minni loftmengunar eða einfaldlega rétti einstaklinga til að lifa í heilbrigðu umhverfi.

Álverið í Helguvík sem upphaflega var áætlað 250 þús. tonn á ári hefur stækkað um 90 þús. tonn og er því orðið allt að 340 þúsund tonn... og orkuþörfin því enn meiri...

Það ætti að vera sjálfsagt að meta sameiginleg áhrif allra þátta, þ.e. álver, háspennulínur, virkjanir.

Má bjóða þér umhverfisáhrif?

Áhrif álvers, háspennulína og virkjana í nágrenni Húsavíkur.

Drög að tillögum um hvað verði kannað (sjá pdf-skjal).

Hvað veldur helst áhyggjum? Hefur eitthvað gleymst?

Frestur til að senda athugasemdir eða ábendingar til 6. mars 2009.

Ferskvatn? Jú, vatnsöflun fyrir vatnsveitu jarðgufuvirkjana, frárennsli frá borholum við borun og prófanir geta haft áhrif á vatn.

Grunnvatn? Jú, áhrif geta orðið á rekstrartíma jarðgufuvirkjana tengt losun affallsvatns.

Útivist og ferðaþjónusta? Áhrif athuguð... Sérstök skýrsla vegna álvers um útivist og ferðaþjónustu, þar með talin hvalaskoðun.

Jú, á Húsavík er hvalasafn og hvalaskoðun. Fyrst geta hvalveiðar, á langreyði (fyrirtæki eins manns) og hrefnu (hinir), sett strik í reikninginn en síðan er það mengun frá álveri í sjó...

Hvalir? Áhrif á hvali verða metin með tilliti til ýmissa þátta tengdum álveri, s.s. dreifing efna frá álveri í sjó.

Sjór? Vokvetniskolefni (PAH) er í frárennsli frá álveri í sjó. Truflanir á skipaumferð vegna hafíss og hættu á bráðamengun sjávar vegna aukinnar skipaumferðar. 

Loftgæði? Jú, jarðgufuvirkjanir losa brennisteinsvetni (H2S) - og snefil af hinu og þessu - út í andrúmsloftið. Hvað er í útblæstri frá álveri? Jú, brennisteinstvíoxíð (SO2), loftkenndur flúor (HF), svifryk (PM10), vokvetniskolefni (B(a)P), koltvíoxíð (CO2).

"Vinnsla jarðhita hefur áhrif á losun jarðhitalofttegunda út í andrúmsloft á jarðhitasvæðum. Jarðhitalofttegundir berast einnig tímabundið út í loftið við prófanir vinnsluhola. Losunin getur haft áhrif á loftgæði og vinnslan getur hugsanlega haft áhrif á náttúrulegt útstreymi á jarðhitasvæðinu. Umfang losunar og hlutfall gastegunda í gufunni er breytilegt og fer eftir staðsetningu, dýpi og vermi borhola. Tími vinnslu og prófana hefur að sjálfsögðu einnig áhrif þar á."

"Vegna áforma um aukna orkuvinnslu við Kröflu og Þeistareyki verður reiknuð dreifing brennisteinsvetnis (H2S) sem áætlað er að verði losað frá núverandi Kröflustöð, Kröfluvirkjun II, Þeistareykjavirkjun og fyrirhugaðri Bjarnarflagsvirkjun. Niðurstöður reikninga verða sýndar með myndrænum hætti. Metin verður styrkaukning í byggð, fjöldi daga sem lykt getur fundist og hæstu mögulegu toppar. Metið verður hvort sammögnunaráhrifa gæti. Greint verður frá útstreymi lofttegunda frá álveri á Bakka. Metið verður hvort sameiginlegra áhrifa gæti með öðrum framkvæmdum sem heyra undir þetta mat."

Losunarkvóti, hva, útstreymi frá álverum er jú háð honum en losun frá jarðgufuvirkjunum ekki... enda síðastnefnda mengunin lítið auglýst út um hinn víða heim.

Þynningarsvæði (það svæði sem mesta mengunin nær til). Skyldi Húsavík vera innan þess eða verður línan rétt við ysta hús... Það eru jú kannski einhverjir bændur í Skútustaðahreppi, Þingeyjarsveit og Norðurþingi sem þurfa að hætta búskap? Hva, "tilgangur með verkefnunum fjórum er að nýta þá orku sem er í jörðu á þessu svæði til að byggja upp öfluga undirstöðuatvinnugrein á Norðausturlandi og styrkja þannig stoðir byggðar í landshlutanum"... 

Áhrifin geta verið á fornleifar, verndarsvæði, hljóðvist (hávaði frá háspennulínum, borholum í blæstri, álveri í rekstri), gróður, dýralíf, samfélag...

"Vinnsla jarðhita hefur áhrif á jarðhitageyminn. Jafnframt getur losun affallsvatns frá virkjuninni með niðurrennsli í djúpar borholur (djúpförgun) haft áhrif á geyminn ef sú förgunarleið verður valin."

Háspennumöstur? Áætluð gildi raf‐ og segulsviðs, sjónræn áhrif, hindranir fyrir fugla (áflug), áhrif á farleiðir fugla.

Sjónræn áhrif allra mannvirkja verða einnig metin í drögum að tillögu að matsáætlun í sameiginlegu mati á umhverfisáhrifum vegna álvers á Bakka við Húsavík, Þeistareykjavirkjunar, Kröfluvirkjunar II og háspennulína frá Kröflu og Þeistareykjum að Bakka við Húsavík.

Hægt er að senda athugasemdir og ábendingar fyrir 6. mars 2009.

Fjöldi manns hjá eftirfarandi stofnunum hefur atvinnu af sameiginlegu mati á umhverfisáhrifum: dr. J. Scire, Ferðamálasetur Íslands, Fornleifastofnun Íslands, Háskólinn á Akureyri, HRV, Íslenskar orkurannsóknir, Jarðfræðistofan Stapi, Jarðvísindastofnun Háskóla Íslands, KMS Technologies, Mannvit hf., Náttúrufræðistofnun Íslands, Náttúrustofa Austurlands, Náttúrustofa Norðausturlands, Rannsókna- og þróunarmiðstöð Háskólans á Akureyri (RHA), Rannsóknamiðstöð í jarðskjálftaverkfræði, Vatnaskil, Veðurstofa Íslands, Veiðimálastofnun.

"... að fullnægjandi umhverfisvernd sé undirstaða þess að menn geti notið grundvallarmannréttinda tengd þeirri hugmynd að hver einstaklingur eigi rétt á að lifa í heilbrigðu umhverfi og honum beri skylda til að vernda umhverfið..." Úr Árósasamningnum.

Styrking suðvesturlínanna í boði hvers?

Nokkuð er augljóst að í styrkingu suðvesturlína, eða raforkuflutningskerfisins á Suðvesturlandi skal "á Suðvesturlandi" lesast "til Helguvíkur". Margar athugasemdanna (pdf-skjal) miða að því að fá framkvæmdaraðila til að segja sannleikann, sem djúpt er á. Ekki verður séð að framkvæmdaraðili svari þar t.d. athugasemdum Landverndar.

Skal almenningur enn á ný þurfa að styrkja álfyrirtækið með þessum framkvæmdum að styrkingu suðvesturlína? Til viðbótar sé því boðið skattaafsláttur, rafmagnsafsláttur, umhverfisspjöll á landi vor og hvaðeina, allt á kostnað eða í boði almennings í landinu samkvæmt ákvörðun pólitíkusa, án þess að sá sami almenningur hafi nokkuð um það að segja, sem fyrr. Skiptimyntin sem veifað er sem þungt ryk í augu fólks og enn frekar í skjóli krísutíma, störfin, sem verða þjóðarbúinu ansi dýr...

En einn sjónvarpsspyrillinn sagði jú á krísudögum (6. október 2008): "Já, það er sem sagt alveg innstæða fyrir því að það eru miklar náttúruauðlindir hérna í landinu og það verður vafalítið minni mótstaða fyrir því að virkja þær með einum eða öðrum hætti."

Þetta sagði sjónvarpsspyrillinn eftir að pólitíkus/blaðamaður, sem býður sig nú fram... í Suðvesturkjördæmi, hafði beinlínis sagt: "Ég held til dæmis að það eigi að afnema lög um umhverfismat þannig að það sé hægt að taka ákvörðun um að ráðast í stórvirkjanir og álver..."

Atvikið á alþingi 13. október 2008 var einnig lýsandi.