Flott sundlaug

Auðvitað má rífast um kostnað en mikið sýnist mér sundlaugin flott (á myndinni sem hver tók?) og kosturinn við sundlaugar yfirleitt er að þær gagnast ungum sem öldnum. Til hamingju Hafnfirðingar!

Minnisvarði óráðsíu?

Þeim var nær að frekjast

Það hefur verið sorglegt að fylgjast með Helgavíkurvitleysunni. Allir vissu að álið var á niðurleið og að nóg væri komið af þeim ósköpum. Orkan er ekki óendanleg og hálf ömurlegt að selja hana lægstbjóðandi. Því skyldu erlendir álhringir eignast Ísland á okkar kostnað?

9. febrúar 2009: Fyrirspurn til munnlegs svars á alþingi (umræður) og svar óvenjufljótt eða þann 11.: Uppbygging álvers í Helguvík

28. okt. 2008: Fyrirspurn til skriflegs svars (engar umræður); svar 5. des.: Hlutur áliðju og ferðaþjónustu í þjóðarframleiðslu

Sjá: Helgavíkurvitleysan

Sömu verktakar ÍAV eru í Helguvík og í Austurhöfn við byggingu Tónlistarhúss. Sjá: Pólitískt val.

Álver í Helguvík í óvissu

Kreppan umhverfisvæn í ofanálag

Annars er eitthvað meiriháttar að hjá þessum álfíklum: "og að umhverfið á Íslandi sé áfram aðlaðandi kostir fyrir Century til framtíðar."... Umhverfissinnar, kannski?

Tap Century 898,3 milljónir dala

Hagsmunatengsl þingmanna

Mæli eindregið með grein eftir Pál Baldvin á Vísi „Kemur manninum mínum ekkert við“.

11. febrúar 2009 var Ólöf Nordal meðflutningsmaður þingsályktunartillögunnar Rannsóknarboranir á Þeistareykjum og álver á Bakka. Sama dag beindi Ólöf fyrirspurn utan dagskrár til umhverfisráðherra um áform ríkisstjórnarinnar um uppbyggingu álvers á Bakka við Húsavík.

Til viðbótar væri kannski einum of gróft að meðflytja tillögu að heilsársveg yfir hálendið að svæðinu...

Takk !

Þetta var nákvæmlega það sem löngun mín stóð til, að sjá og lesa gæðavinnu í blaðamennsku.

Sjá: Fréttaskot Þóru Krisínar eðall

Ég skora á DV og visir.is og Mannlíf að gera slíkt hið sama. Kannski erfiðara fyrir Bylgjuna og Spegilinn á Rás 1.

Tilnefningar til Blaðamannaverðlauna

Tilnefningar Morgunblaðsins á mbl.is

Sýnið reisn og hættið án tafar

... það væri það eina rétta.

"Seðlabankinn hlýtur að undrast þann stutta frest sem honum er veittur til að vinna umsögn sína." (hm! fylgjast mennirnir ekki með...)

"Engar vísbendingar eru í greinargerð eða framsögu forsætisráðherra með frumvarpinu um að síðustu áratugi hafi ekki verið staðið faglega að ákvörðunum við stjórn bankans." (hm! allt í góðu lagi sem sagt?)

"Því eru engin efni til að auglýst verði að nýju í starf bankastjóra enda er þar einungis um að ræða núverandi starf formanns bankastjórnar/aðalbankastjóra." (hm! Eiríki Guðnasyni fórnað á altari Davíðs...)

Úr umsögn Seðlabanka.

Ekkert drama í viðskiptanefnd

Davíðshallinn á bankanum

Það sem veldur tortryggni eru einmitt seðlabankastjórarnir sjálfir, að þeir skuli ekki sjá sóma sinn í því að segja af sér... svo nýr kafli geti hafist.

Gagnrýna Seðlabankafrumvarp

Fremur pínlegt

Þrefað út í það óendanlega. Hvernig væri að skipta um gír, muna eftir þjóðinni til dæmis og hætta þessu vonlausa pexi?

Það eina sem getur bjargað Flokknum er að Davíð biðjist afsökunar og segi af sér ásamt sálufélaga sínum.

Ég er annars orðin hundleið á skoðanakönnunum varðandi flokkana, fréttum af prófkjörum flokkanna, þrefinu á grundvelli flokkslína...

Þarna er ríkisstjórn sem vinnur dag og nótt að endurbótum og það ætti stjórnarandstaðan að liðsinna með en ekki tefja fyrir á grundvelli afneitunar... Aðgát skal höfð í nærveru sárþjáðar þjóðar...

Segir túlkun Geirs byggja á misskilningi

Íslenskir krimmar gera það gott í Frakklandi

DATALIB-sölulistinn :

1. sæti : Vetrarborgin (Hiver arctique) sem er nýkomin út í franskri þýðingu !

11. sæti : Röddin (La voix) sem kom út í kilju í fyrra

20. sæti : Grafarþögn (La femme en vert) sem kom út í kilju 2007

23. sæti : Mýrin (La cité des jarres) sem kom út í kilju 2006

27. sæti : Líkið í rauða bílnum (Le cadavre dans la voiture rouge) eftir Ólaf Hauk Símonarson sem kom út í kilju nú í janúar sl.

50. sæti : Tími nornarinnar (Le temps de la sorcière) eftir Árna Þórarinsson sem kom út í kilju í fyrra

Fimm íslenskir krimmar í þeim 50 fyrstu ! Ekki sem verst.

Tveir íslenskir krimmar hafa ekki ratað á metsölulistann: Kleifarvatn (L'homme du lac) eftir Arnald og Dauði trúðsins (Le dresseur d'insectes) eftir Árna enda hvorugar komnar í kilju.

Allar þýðingarnar eru eftir Éric Boury nema ein...

Sjá: Líkið í rauða bílnum eftir Ólaf Hauk nýkomin út í kilju í Frakklandi

Verður sjónvarpað frá þinghaldi borgaranna?

10. borgarafundurinn í kvöld 16. febrúar 2009 kl. 20 í Háskólabíói : Staðan Stefnan Framtíðin

Borgarafundur Ketilhúsinu Akureyri 8. febrúar 2009 : Landráð af „gáleysi“

9. borgarafundurinn Hótel Selfoss Selfossi 26. janúar 2009 : Fortíð - Nútíð - Framtíð

8. borgarafundurinn Háskólabíói 12. janúar 2009 : Íslenskt atvinnulíf í aðdraganda kreppunnar, spurt er hvað fór úrskeiðis og fjallað verður um hriplekt lagaumhverfi og veikar eftirlitsstofnanir

7. borgarafundurinn Iðnó 6. janúar 2009 : Mótmæli (ólík viðhorf, ólíkar aðferðir, sömu markmið?), aðferðafræði mótmæla og borgaraleg óhlýðni

6. borgarafundurinn Borgartúni 16. desember 2008 : Spilling og hringamyndun í viðskiptalífinu

5. borgarafundurinn Háskólabíói 8. desember 2008 : Með forkólfum verkalýðshreyfinga og lífeyrissjóða

4. borgarafundurinn Háskólabíói 24. nóvember 2008 : Um stöðu þjóðarinnar

3. borgarafundurinn Nasa 17. nóvember 2008 : Um ábyrgð fjölmiðla í aðdraganda fjármálakreppunnar

2. borgarafundurinn Iðnó 8. nóvember 2008 : Um stöðu þjóðarinnar

1. borgarafundurinn Iðnó 27. október 2008 : Um stöðu þjóðarinnar

Sjá Borgarafundir

„Staðan - Stefnan - Framtíðin“ rædd á opnum borgarafundi