Folavatni ógnað af náttúruspillinum Landsvirkjun

Þetta fyrirtæki kann sér ekki hófs. Hef ekkert álit á þessum gaurum, ekki frekar en á þeim stjórnmálamönnum í líki ráðamanna sem knúðu íslenska náttúru á hnén fyrir hvað, jú ALCOA. Fyrir mér er þetta ekkert annað en endalaust hryðjuverk í þágu græðginnar. Seint ætla Íslendingar að stíga af þeim fola alveg sama hversu eyðileggingin er mikil og lífskjörin dala.

Álfyrirtækin hafa það greinilega fínt á okkar kostnað, eins og alltaf, en Landsvirkjun er skuldum vafin og vill helst auðvitað velta því yfir á okkur án þess að hlusta á neinn nema sjálfa sig. Fyrirtækið valtar yfir allt og alla og hefur gert lengi. Við megum náðarsamlegast ábyrgjast lánin þeirra í gegnum ríkið en að öðru leyti kemur okkur þetta ekkert við. Mótmæla, hvaða vitleysa! Allt skal þeim leyfilegt en það erum við sem þurfum alltaf að borga, að ekki sé talað um náttúru lands vor !

Hápunkturinn var þegar forstjóri Rio Tinto Alcan borgaði allar skuldir fyrirtækisins rétt fyrir hrun og fékk verðlaun fyrir. Innherjamál? Hví gerði Landsvirkjun ekki slíkt hið sama? Offjárfestingar kannski í þágu álfyrirtækja...

Folavatn í kvöldfréttum sjónvarps í gær.

Heyr, heyr

Gott mál. Eitt er feimnismálið enn, stundakennarar. Hversu margir eru stundakennarar við háskólana? Skyldi vera tekið á réttindaleysi þeirra?

Breytingar gerðar á fjármálum háskóla

Bless

Ekki hefur mér fundist þessi tugur hans í starfi neitt sérstaklega skemmtilegur. Skuldir Landsvirkjunar skulu aldrei settar í neitt samhengi... bara regn í nös samborgaranna. Kannski er tími fyrrverandi ráðherra í forstjórastörfum hjá ríkinu, sendiherrastörfum, ritstjórastörfum o.s.frv. loksins liðinn.

Hættir sem forstjóri Landsvirkjunar

Álbræðslurnar ekki í ruslflokk

... heldur Landsvirkjun.

Lánshæfiseinkunn lækkar

Að ræna úr einum vasa

... og setja í hinn.

Alcoa styrkir Norðursprota um tæpar 7 milljónir

Kanabíó

Ameríski kvikmyndaiðnaðurinn gengur út á aðsóknar- og tekjumet umfram annað. Eins og kunnugt er ganga íslensk bíó fyrir Kanann og þekkja mest lítið annað. Hasar, gotteríshlé og grátur. 

Hvenær komumst við út úr þessum kanahring?

Transformers fékk mesta aðsókn

Hvaða innlendur aðili ætlar að reka 16 hæða hótel á Höfðatorgi?

Um daginn var auglýsingaviðtal við forstjóra Eyktar í Íslandi í dag á Stöð 2. Sjáið bara sjálf: það er leyndó.

Landsvirkjun biðlar enn "til að ráðast í nýjar virkjunarframkvæmdir". Hverjar?

Fyrirtækið vill fá enn eina heimildina til að taka milljarðalán. Alltaf þurfum við að bakka öll lánin þeirra með ríkisábyrgð en það stráir á móti "styrkjum" á önnur ríkisfyrirtæki, söfn og ýmsa menningarviðburði, býður ókeypis sumarkúrsa í háskólum og hvaðeina, sér til vinsældaauka. Hvað, er það svo skuldugt og fjárþurfi eftir allt saman?

Samkvæmt frumvarpi meirihluta efnahags- og skattanefndar er Landsvirkjun yfirlýsingaglatt um fjármagnsþörf sína: "65–70 milljarða kr. þurfi á yfirstandandi ári til að mæta endurfjármögnunarþörf fyrirtækisins og til að geta ráðist í nýjar virkjunarframkvæmdir". Hverjar? Enn eru framkvæmdir í biðstöðu, samkvæmt upplýsingafulltrúanum. Hvaða framkvæmdir er þar átt við? Og skyldu þær koma okkur við?

Garðyrkjubændur og stóriðjurafmagn

Stöð 2 fjallaði um málið í kvöldfréttum í gær og þar er talað um fyrirspurn SIJ á Alþingi um málið í gær en ég get ekki séð að vakið hafi verið máls á þessu þar síðan 19. maí sl. og þá í óundirbúnum fyrirspurnatíma.... Kannski er þetta bara árátta fréttamanna að allar fréttir þurfi að flytja af því sem gerðist síðast í gær, eins og til að afsaka hvað seint umfjöllunin kemur í sjónvarpsfréttum... Hvað skiptir það máli ef umfjöllunin er vönduð?

Sjá annars þetta og þetta.

ps Og það er enginn flokkur á mbl.is sem heitir raforkumál eða auðlindamál eða neitt slíkt enda snertir allt er varðar raforku óhjákvæmilega umhverfið... 

Sjálfstæðismenn hafa aldrei viljað þjóðaratkvæðagreiðslu um eitt eða neitt

... hví núna?

Þjóðaratkvæðagreiðslu um Icesave