Hrossakaup

Það er lítil reisn yfir þingmönnum dagsins ef Helguvíkurvitleysan nær fram að ganga. Stóriðjufirra og náttúrleysi pólitíkusa er skammsýni öllum til skammar.

Stóriðjuleppar eru margir á þingi og virðast þeir almennt vera á mála hjá erlendum álfyrirtækjum, svo mjög að þeir geta ekki einu sinni fjallað um stjórnarskrá Íslands án þess að álherrar leggi til blessun sína.

Helguvíkurmeinlokan er uppfinning lélegra þingmanna og ráðherra, vissi-ekki-ráðherrans (Björgvin) og ha-ráðherrans (Árni). Hrein eymd að líffræðingur skuli flytja þennan gjörning. Við höfum lítið að gera með huglausa þingmenn. Það er ekki hlutverk þingsins að ganga erinda erlendra fyrirtækja.

Eru ekkert nema já-menn á Alþingi? Spornið við þessum gjörningi ! Hann stríðir gegn heilbrigðri skynsemi ! Heiður Alþingis er í veði.

Nefndarálit minnihluta iðnaðarnefndar.

Stjórnarskrá ekki breytt

Athugasemdir

[G (IP-tala skráð) 17.4.2009 kl. 09:46]

það á að reka alla þingmenn af þingi, ónytjungar kjaftatuskur sem kunna ekki muninn á réttu og röngu

eiginhagsmunapólitík, einkavinavæðing og ótaldar sjalftökur þingmanna sjálfsstæðisflokksins er búið að leggja landið í rúst, það er algert glapræði og hrein glötun fyrir þjóðina ef sjálfgæðisflokkurinn nær völdum eða kemst að kjötkötlum aftur