Hæstvirt þjóð

... á rétt á að sannleikurinn sé sagður undanbragðalaust á Alþingi og að þingmenn hvar í flokki sem þeir standi sýni þjóðinni þá virðingu að tala eftir bestu vitund og án æsings. Hið pólitíska sjónarspil undanfarna daga á Alþingi er óvirðing við þjóðina. Flokkspólitíkin á betur heima út í móa.

Góðir þingmenn, þið eruð í beinni útsendingu bæði á sjónvarpsrás og á netinu !

Þingmenn syngja og dansa darraðardans

Athugasemdir

[Gísli Ingvarsson, 6.4.2009 kl. 15:39]

....sjálfstæðisflokkurinn er þjóðin ef einhver hefur ekki áttað þig á því.....

[Gunnar (IP-tala skráð) 6.4.2009 kl. 15:47]

Ég ætla rétt að vona að menn láti heyra í sér á Alþingi. Það er verið að rjúfa þá miklu samstöðu sem verið hefur um stjórnarskrá Íslendinga. Hvaða álit sem menn hafa á þeim breytingum er lagðar eru til er það afar slæmt að þessi friður sé rofinn.

Áfram Birgir Ármannsson!

G.

[Græna loppan (IP-tala skráð) 6.4.2009 kl. 17:29]

Ég held að mesta samstaðan hafi skapast árið 1995 þegar mannréttindaákvæðunum var bætt í stjórnarskrána enda greiddi enginn atkvæði á móti.

Stjórnarskránni hefur verið breytt sjö sinnum. Tvívegis var það kjördæmaskipan sem var breytt 1984 og 1999. Þá var nú ekki fullkomin sátt enda greiddu sjö þingmenn atkvæði gegn í bæði skiptin og til viðbótar greiddu átta þingmenn ekki atkvæði í seinna skiptið. Aðrar breytingar á stjórnarskránni voru að mestu skipulagslegs eðlis, s.s. þingsköp, endurskoðun ríkisreikninga, kjördagur.

Allt annað hefur meira og minna verið svæft í nefnd.

[Kolla (IP-tala skráð) 6.4.2009 kl. 19:07]

Það er einmitt virðingarleysi þingmanna við þjóðina sem gerir að verkum að þjóðin er að tapa virðingu sinni fyrir þingmönnum

[Rakel Sigurgeirsdóttir, 7.4.2009 kl. 00:16]

Þetta er hreint út sagt skelfilegt hvernig þessi apakettir leyfa sér að að koma fram við samstarfsmenn sína og vinnuveitendur sína. Þ.e.a.s. okkur þjóðina!