Þögnin langa...

Eftir ár á Moggablogginu (2008-2009) - löng þögn - rofin í Bloggheimum fyrst (2010-2011), á Smugublogginu svo (2011-2013) ; Sjá t.d. vefsafn.is.


Sérhagsmunablað Davíðs, oj bara...

Pólitíkusar hafa ekkert að gera sem seðlabankastjórar, hvað þá ritstjórar dagblaðs !

Ég tek undir með Þóru Kristínu, sem ég sé mikið eftir:

Það er virkilega orðin spurning hvort blaðamennska á Íslandi sé mönnum bjóðandi".

Skari sýndi fullkomlega vanþekkingu sína á hlutverki fjölmiðla í lýðræðisríki í Kastljósi. Hann kann bara á það hvernig fjölmiðlar verða (mis)notaðir í þágu einhvers eða einhverra. Blaðið hefur skoðun...

Blaðamennska

Blaðamennska er göfugt fag sem er lýðræðinu sérlega mikilvægt. Fjölmiðlum er hvorki ætlað að drottna né að þjóna sérhagsmunum. Skyldur blaðamanna eru ríkar : þeirra er að upplýsa og að veita aðhald. Fagmennskan er faginu mikilvæg. Óhætt er að fullyrða að hvergi í lýðræðisríkjum tíðkist það sem nú hefur gerst í íslenskum blaðaheimi. Fáheyrð firra.

Hver sjálfum sér næstur?

Einkennilegt að aðrir blaðamenn á Mogga skuli ekki segja upp til varnar faginu, til stuðnings brottrekinna félaga, í mótmælaskyni við hreinsunina á blaðinu og ráðningu Davíðs. Við höfðum þörf fyrir annað, þörf fyrir fjölmiðla sem er treystandi. Það hafði rofað til og fjölmiðlar loks vaknað upp til hlutverks síns á erfiðum tímum. Með ráðningu Davíðs er ástandið í fjölmiðlamálum horfið 30 ár aftur í tímann, skurðgrafahernað. Á fjölmiðlum á ekki að vera neitt kverkatak, hvorki pólitískt né annað. Blaðamennska snýst um annað og meira. 

Þrengt að frjálsri og faglegri blaðamennsku".

 

Örlög Moggans

"Ritstjórinn á Morgunblaðinu, Ólafur Stephensen, hefur látið af störfum sökum þess að skoðanafrelsi og tjáningarfrelsi er nýjum eigendum blaðsins ekki að skapi."

Mogginn hafði reynt um nokkurt skeið að verða alvörudagblað en nú er trúverðugleikinn horfinn. Tvær spurningar vakna : Þurftu þeir að reka 40 manns til að borga ritstjórunum kaup? Og fyrst þeir voru svo vitlausir að reka m.a. þá bestu, vaknar hin spurningin :

Hvert fer Þóra Kristín ? 

 

Kveðja.

Um 35 þúsund flettingar á árinu og hér læt ég staðar nema.

Þakka samfylgdina!


mbl.is Davíð og Haraldur ritstjórar
Tilkynna um óviðeigandi tengingu við frétt

1. apríl

Fyrirsagnafyllerí á mbl.is og á visir.is þó er ekkert það í fréttunum sem réttlætir kóun þessara fyrirsagna við eitt ákveðið verkefni og einn ákveðinn aðila, sem vill öllu ráða hér á landi...

Bjartsýnn á framhaldið á Bakka

Jón Hákon skrifar : "Bergur [Elías Ágústsson, sveitarstjóri Norðurþings] vildi ekki segja hvort hann hefði fengið skýr svör frá ráðherra um framhaldið en segir að verið sé að vinna að þessum málum og áfram verði unnið á næstu dögum. „Ég er bara svona þokkalega bjartur á að ágætis lausn finnist í þessu öllu saman," segir Bergur í samtali við Vísi. Hann vildi að öðru leyti ekki tjá sig um málið að svo stöddu."

Það er ruv.is sem kemur með kjarnann í fyrirsögn:

Neita að gefa upp hvað stendur til


mbl.is Góður fundur um Bakkaálver
Tilkynna um óviðeigandi tengingu við frétt

Á fundi miðstjórnar fór einnig fram umræða um mögulegar úrlausnir vegna greiðsluvanda heimilanna...

Titillinn er síðasta setningin í fréttinni, svona í framhjáhlaupi. Er þetta ASÍ? Eða er þetta áhersla Moggans?
mbl.is Áhyggjur af óvissu um álver
Tilkynna um óviðeigandi tengingu við frétt

Nú, áttum við að borgar skattana fyrir þá?

Það er eitthvað alvarlega bjagað við þá hugsun að fyrirtæki sleppi við skatta. Skattpeningarnir fara í hafnarframkvæmdir, vegaframkvæmdir o.s.frv. Ef þeir vilja ekki borga skatta, hverjir eiga þá að borga þá? Mér er spurn. Allir nema þeir og álfyrirtækin? Enn og aftur almennt launafólk og aldraðir, kannski?
mbl.is Skattarnir afar íþyngjandi
Tilkynna um óviðeigandi tengingu við frétt

Fær fréttamaðurinn þá ekki áfall ?

Kristján Már Unnarsson á Stöð 2 hefur verið iðinn við að spana menn upp í olíudraum... en nú er hann enn á fullu og í þetta sinn fyrir álfyrirtækin - og þá sérstaklega alcoa...
mbl.is Engin sérleyfi á Drekasvæðinu
Tilkynna um óviðeigandi tengingu við frétt

Klær sérhagsmuna...

Það er undarlegt þetta nudd. Fyrrverandi ráðherrar sækjast í að stjórna fram í rauðan dauðann og nudda sér af frygð eins og fresskettir að fjölmiðlum. Vilja stjórna skoðunum fólks líka, ekki bara lífi þess. Þessir menn hafa ekki skilið hlutverk sitt. Þeir hafa blindast af valdinu og gleymt því að kjörnir fulltrúar þjónusta þjóðina, þeir eru þjónar.

Fjölmiðlamenn eru sumir hverjir heillaðir af valdbeitingunni og ráða sig umvörpum í störf umkringis ráðherra, auðhringa o.s.frv. Þeir huga að yfirborðinu, hvernig valdsmennirnir koma fyrir augu fólks, sjá um að kasta rykinu. Þeir fara í framboð og sitja á þingi í umboði þjóðarinnar en festast í flokkslínunum og fá sér í glas. Hagsmunaöfl sækjast eftir kröftum og sál fjölmiðlamanna því umfjöllun þeirra er skoðananmyndandi, sem er það eina sem vekur áhuga þeirra. Öflin vilja kaupa sér atkvæði, markaði, samninga o.s.frv. Þegar fjölmiðlamenn heillast af sviðsljósinu og selja sál sína fyrir sérhagsmuni er voðinn vís ; aðhaldið horfið út í veður og vind og upplýsingar ekki lengur heilar..

Það er þetta nudd milli hagsmunaaðila, pólitíkusa, auðhringa, og fjölmiðla sem rústar lýðræðinu.


mbl.is Ritstjóramálum lokið á næstu dögum
Tilkynna um óviðeigandi tengingu við frétt

...neeeeeeeeeeeeeeei...

... það væri dauðadómur...
mbl.is Ekki búið að ráða nýjan ritstjóra
Tilkynna um óviðeigandi tengingu við frétt

Að hugsa langt fram í tímann

Varmaorkan

"Jarðvarmaorkuver eru hagkvæmari en jarðgufuvirkjanir. Í þeim fyrrnefndu er framleitt bæði heitt vatn til upphitunar og raforka, sbr. orkuverin í Svartsengi og á Nesjavöllum, og þá er auðlindin líka best nýtt og á sem umhverfisvænastan hátt. Jarðgufuvirkjanir eins og þær í Kröflu, á Hellisheiði og Reykjanesi framleiða eingöngu raforku, nýta varmaorkuna mun verr og eru ekki eins vistvænar." Stefán Arnórsson, prófessor í jarðefnafræði og hefur starfað að jarðhitarannsóknum og -nýtingu í 40 ár. Fbl. 18. okt. 2007, bls. 32.

12%

"Þorsteinn benti á að við raforkuframleiðsla með jarðhita nýtist um 12% af orkunni sem kemur úr iðrum jarðar. Hin 88% fari út í umhverfið, fyrst og fremst í mynd varmaorku. "Mér finnst þetta ekki forsvaranleg nýting á auðlindinni," sagði Þorsteinn [Ingi Sigfússon, prófessor og forstjóri Nýsköpunarmiðstöðvar Íslands]". Mbl. 18. okt. 2007.

Að hugsa langt fram í tímann

"Jóhannes Zoëga, fyrrverandi hitaveitustjóri Hitaveitu Reykjavíkur, leit svo á starfsskyldur sínar að honum sem hitaveitustjóra bæri að hugsa langt fram í tímann og tryggja íbúum og fyrirtækjum borgarinnar, og síðar höfuðborgarsvæðinu öllu, heitt vatn til húshitunar um ókomna framtíð og á eins hagstæðu verði og mögulegt væri. Hann vildi varðveita Hengilssvæðið sem framtíðarjarðhitasvæði fyrir Hitaveitu Reykjavíkur. Síðasta verk hans í þessu lífi var að skrifa um þessi mál. Hugsjónir Jóhannesar og viðhorf eru til fyrirmyndar og eftirbreytni, sjálfstæðismönnum líka." Stefán Arnórsson, prófessor í jarðefnafræði og hefur starfað að jarðhitarannsóknum og -nýtingu í 40 ár. Fbl. 18. okt. 2007, bls. 32.

Vatnsveitur og hitaveitur landsmanna

"Neysluvatn og jarðhitavatn eru staðarverndaðar auðlindir. Hvorugt verður flutt mjög langar vegalengdir. Á Íslandi getur enginn orkugjafi keppt við jarðhitavatn fyrir upphitun húsa. Samkeppni verður því ekki við komið. Einkaaðili sem ræður yfir slíkri auðlind hefur einokunaraðstöðu (einokun þýðir að einn getur kúgað annan). Þegar um er að ræða þjónustufyrirtæki í lýðræðisþjóðfélagi eins og vatnsveitu og hitaveitu er einokunaraðstaða ekki fyrir hendi. Hún er aðeins fyrir hendi hjá einkaaðila í þessu sambandi. Opinberu þjónustufyrirtæki er veitt aðhald af kjósendum og opinberri umræðu um hið opinbera fyrirtæki. Nákvæmlega þetta á sér nú stað um hlutverk Orkuveitu Reykjavíkur. Samkeppni er ekki eina leiðin til aðhalds. Af öllu þessu leiðir að hvorki má einkavæða vatnsveitur né hitaveitur sem þjóna sveitarfélögum eða þær auðlindir sem þær byggja á." Stefán Arnórsson, Fbl. 18. okt. 2007, bls. 32

Herferðir auðhringa

Það kemur síðan í ljós næstu tíu daga hverjir hlaupa apríl fyrir stóriðjuna með tafar- og atvinnuþemunum. Munu fjölmiðlar dansa í takt við samfélags- og upplýsingateymi alcoa... eða hugsa til þegna þessa lands með notalega heit hús til framtíðar og ódýru rafmagni.
mbl.is 25 milljarða stórvirkjun
Tilkynna um óviðeigandi tengingu við frétt

Loksins gleðiefni !

Skyldur fjölmiðla eru við þegna þessa lands.

Upplýsingaskylda fjölmiðla er rík, sem og almennt aðhald við valdið, hvort sem það er framkvæmdarvaldið, flokksveldin, peningavald, vald auðhringa o.s.frv.

Fagnaðarefni er þegar fjölmiðlar minna á það jákvæða í því sem gert er og möguleika þess, svo sem eins og hér er gert í þessari frétt.


mbl.is Grænn farmiði inn í framtíðarlandið
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband